“ნიუ ვიჟენ სასკოლო ოლიმპიადა 2025”-ის ფარგლებში ბაკურიანში საგაზაფხულო სკოლა გაიმართა, რომელშიც მონაწილეობას სკოლა “ლომისის” მე-11 კლასის მოსწავლე, მარიამ წურწუმია იღებდა.

პროექტში საქართველოს სხვადასხვა რეგიონიდან ოლიმპიადის გამარჯვებული 27 მოსწავლე მონაწილეობდა.

სასწავლო პროგრამა თეორიულ და პრაქტიკულ კომპონენტებს მოიცავდა. მონაწილეებმა შეისწავლეს ეფექტური კომუნიკაციისა და მოლაპარაკებების წარმოების უნარ-ჩვევები, მოისმინეს ლექციები ევროინტეგრაციისა და ბიზნესის საკითხებზე და მონაწილეობა მიიღეს შემეცნებით თამაშებში.

საგაზაფხულო სკოლის ფარგლებში გამოვლინდნენ ოლიმპიადის გამარჯვებულები.

ყველა გამარჯვებული დაჯილდოვდა პრიზებითა და სერტიფიკატებით.