8 მაისი – წითელი ჯვრის მსოფლიო დღე წითელი ჯვრისა და წითელი ნახევარმთვარის (World Red Cross and Red Crescent Day) მსოფლიო დღე ყოველწლიურად 8 მაისს აღინიშნება. ამ დღეს დაიბადა წითელი ჯვრის საერთაშორისო კომიტეტის დამაარსებელი, შვეიცარიელი ჰუმანისტი და საზოგადო მოღვაწე, ნობელის მშვიდობის პრემიის პირველი ლაურეატი ანრი დიუნანი (Henri Dunant, 1828-1910). წითელი ჯვარი მთელ მსოფლიოში ეხმარება ადამიანებს ომის, სტიქიური უბედურებების, ავარიებისა და სხვადასხვა კრიზისული სიტუაციების დროს. მისი მთავარი მიზანია ადამიანების სიცოცხლის დაცვა, ჯანმრთელობის შენარჩუნება და დახმარების აღმოჩენა ყველასთვის, ვისაც ეს სჭირდება. სკოლა ლომისის მე-10 ა კლასისმოსწავლეებმა წარმოადგინეს პრეზენტაციები, სადაც განიხილეს წითელი ჯვრის ძირითადი პრინციპები – ჰუმანურობა, ნეიტრალიტეტი, მიუკერძოებლობა და მოხალისეობა.
ასევე ისაუბრეს ორგანიზაციის როლზე ომის, სტიქიური უბედურებებისა და სხვადასხვა კრიზისული სიტუაციების დროს.
