სტუმრად „ქართული ფილმის“ სტუდიაში

ჩვენი მოსწავლეები ესტუმრნენ „ქართული ფილმის“ სტუდიას, სადაც ძალიან გულთბილად გვიმასპინძლეს სტუდიის თანამშრომლებმა და დირექტორმა, ქალბატონმა ხათუნა ხუნდაძემ.

მოსწავლეები გაეცნენ ფილმის გადაღებისა და გახმოვანების პროცესს, თანამედროვე ტექნოლოგიებსა და საინტერესო სამუშაო მეთოდებს. დაათვალიერეს კოსტიუმებისა და რეკვიზიტების საცავები, ნახეს გასული საუკუნის ვიდეოკამერები და თავადაც მოირგეს სხვადასხვა კოსტიუმი.

ვიზიტი იყო შემეცნებითი, სახალისო, ემოციებითა და სიყვარულით სავსე დღე, რომელმაც ბავშვებს დაუვიწყარი შთაბეჭდილებები დაუტოვა.